BLÅFJELLSHALLEN
For meir enn 6000 år sidan gjekk eit stort steinras i dalsida frå Blåfjellet inst i Oldedalen. Store steinar vart liggande att i fjellsida og utgjer i dag ei steinur. Denne steinura rammer inn Melkevoll Bretun der vi har hytter og camping kvar sommarsesong.
På eit av utsiktspunkta, inntil ein av dei største steinane i ura, har Inge Melkevoll skapt denne spesielle bygningen “Blåfjellshallen” laga av stein, tre og glas. Her er utsikt til isbrear, fjell og det store fossefallet Vollfossen. Blåfjellshallen - Blue Mountain Hall på engelsk, er bygd i pakt med naturen og områda omkring.
